Sońǵy derek boıynsha Amerıka qurama shtattary men Qytaı halyq respýblıkasy ıelengen bıtkoın mólsheri aldyńǵy qatarly memleketterge aınalǵan.
Bul jaıynda islam.kz portaly cryptonews.net aqparat kózine silteme jasaı otyryp málim etedi, dep habarlaıdy aqshamnews.kz.
Atalǵan eki memleket te 190 000+den asa bıtkoınge ıelik etedi. Ózge memleketterge kelsek, Reseı Federasıasy óz qoryn aıyptalǵan tulǵalardyń sıfrly aktıvterin tárkileý esebinen tolytyryp otyrady. Osyǵan baılanysty bul elde qansha vırtýaldy valútanyń bary týraly naqty málimet joq.
Búginde bıtkoın kapıtaly shamamen 2 trln dollardy quraıdy, bul kórsetkish 18 trln dollarǵa baǵalanǵan altyn kapıtalynyń shamamen 11%-yna teń. Kóptegen sarapshylar bıtkoındy kelesi sebepterge baılanysty aqshanyń ozyyq úlgisi retinde sanaıdy:
- Ortalyqsyz sıpaty (ıaǵnı, kádimgi aqsha sekildi memleket túrindegi bir ortalyqtan baqylanatyn valúta emes) jáne usynysy shekteýli: bıtkoın de altyn sekildi belgili bir mólshermen shektelgen – bar-joǵy 21 mln tıyn. Bul shekteýli mqlsheri onyń qunsyzdanýynan, ınflásıadan saqtaıdy;
- Bólinýge keletindigi: bıtkoındy eń kishkentaı bólikterge (8 ondyq belgige deıin) bólýge bolady, bul artyqshylyǵy shaǵyn tranzaksıalardy júrgizýdi jeńildetedi;
- Tasymaldylyǵy: bıtkoınnyń sandyq sıpaty naqty kedergisiz búkil álem boıynsha aınalýyn qqamtamasyz etedi;
- Ózara aýystyrýǵa keletindigi jáne jalǵan aqsha sekildi jasandy túrin jasaýdyń múmkin emestigi: bıtkoın monetasy ekinshisine uqsas, osyǵan oraı krıptografıalyq ádistiń arqasynda jasandysyn jasaý múmkin emes.
Osy artyqshylyqtardy eskere otyryp, keıbir sarapshylar altyn qory bar elder bıtkoın boıynsha óz qoryn keminde 11%-ǵa jetkizýge keńes berip otyr. Ol az deseńiz, aldaǵy 5-10 jylda bıtkoınderdi kapıtalǵa aınaldyrý kórsetkishi altyndy kapıtaldandyrýdan asýy múmkin. AQSH-tyń strategıalyq bıtkoın qory qurylǵannan keıin G20-nyń basqa elderi budan úlgi alyp, ózderiniń ulttyq qoryna krıptovalútany da kiriktirýi yqtımal.
2025 jyldyń qańtar aıynyń 25-i kúngi derek boıynsha bıtkoınniń baǵasy 102 378 dollarǵa jetken. Salystyrý úshin alsaq, altyn baǵasyn kórsetetin SPDR Gold Shares ETF (GLD) quny 255,65 dollardy quraǵan.