Órt saldarynan zardap shekken úsh azamattyń biriniń jaǵdaıy aýyr.
Taldyqorǵanda avtomobıl shınalaryn qaıta óńdeý zaýytynda órt shyǵyp, úsh adam zardap shekti, dep habarlaıdy Almaty-akshamy.kz Almaty.tv caıtyna silteme jasap.
Almaty oblystyq tótenshe jaǵdaılar departamentiniń málimetinshe, órt týraly habarlama 25 tamyzda 03.25-te kelip túsken. Málim bolǵandaı, óńdelgen shınalarǵa arnalǵan 5 tekshe metrlik vakkýmdyq pırolızdeý rezervýarynda jarylys boldy. Ol ashyq alańda ornalasqan, artynan janyndaǵy eski shınalar tutanyp, 80 sharshy metr jerdi órt sharpydy.
«Órt saldarynan 1962, 1969 jáne 1977 jylǵy úsh jumysshy zardap shekti. Eki er adamnyń jaǵdaıy ortasha. 1977 jyly týǵan azamattyń jaǵdaı aýyr. Úsheýi de kóp salaly aýrýhanaǵa jetkizildi», – delingen habarlamada.
Órt oshaǵy tańǵy saǵat 04.27-de oqshaýlandyrylyp, 04.49-da sóndirildi. Oqıǵa bolǵan jerge tótenshe jaǵdaılar departamentiniń 9 tehnıkasy men 24 qyzmetkeri bardy. Sonymen qatar polısıa qyzmetkerleri, jedel járdem men sý jáne elektr jelileri qyzmetkerleri de sol jerde boldy.
Tótenshe jaǵdaılar departamentiniń boljamy boıynsha, órttiń shyǵýyna jumys aýmaǵynda tehnologıalyq prosestiń durys atqarylmaýy sebep bolǵan.