Osy maqsattarǵa búdjetten 122,8 mlrd teńge bólindi.
900 myńǵa jýyq qazaqstandyq memleket tarapynan ataýly áleýmettik kómek aldy, dep habarlaıdy Almaty-akshamy.kz.
«2021 jylǵy 1 tamyzdaǵy jaǵdaı boıynsha, 177,9 myń otbasyndaǵy 854,3 myń adamǵa ataýly áleýmettik kómek (budan ári – AÁK) taǵaıyndaldy. Aǵymdaǵy jyly osy maqsattarǵa búdjetten 122,8 mlrd teńge bólindi», - delingen Eńbek jáne halyqty áleýmettik qorǵaý mınıstrliginiń habarlamasynda.
Mamandardyń aıtýynsha, ataýly áleýmettik kómekti otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
«Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumys júrgizilýde. 2021 jylǵy 1 tamyzda AÁK alýshylar qataryndaǵy 1 jastan 6 jasqa deıingi 216 myń bala azyq-túlik jáne turmystyq hımıa jıyntyǵy túrinde áleýmettik toptama taǵaıyndaldy»,– dep habarlady mamandar.
Esterińizge sala keteıik, AÁK alýshylarǵa TJ rejımi men karantındik shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda kómek taǵaıyndaý uzartyldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.