Taldyqorǵan qalasynyń burynǵy polısıa bastyǵy Marat Kúshtibaevtan zorlyq kórgen jábirlenýshi úıqamaqqa alyndy. Ol alaıaqtyq jasady degen kúdikke ilindi - tergeý ol Kúshtibaevtyń áıeliniń aqshasyn alaıaqtyq jolmen ıemdengenin aıtady, ol óz kezeginde jalǵan kýálik berý úshin para aldy degen kúdikke ilindi, dep habarlaıdy aqshamnews.kz.
Bul is boıynsha jábirlenýshiniń jigiti, burynǵy polısıa qyzmetkeri (qazir ýaqytsha ustaý ızolátorynda), sondaı-aq Taldyqorǵan qalalyq sotynyń hatshysy da kúdiktiler qatarynda. Sońǵysy aqsha bergenin moıyndasa da, aldyn ala sóz baılasý arqyly toppen jasalǵan alaıaqtyqty joqqa shyǵarady.
Eske sala keteıik, Taldyqorǵan qalasynyń polısıa bastyǵy Marat Kúshtibaevty zorlaý qylmysy úshin 11 jylǵa bas bostandyǵynan aıyrǵan bolatyn. Daýly oqıǵa ótken jyldyń qarasha aıynda oryn aldy. Burynǵy laýazymdy polıseı qyzdy qyzmettik kabınetinde zorlaǵan. Jábirlenýshi 27 jastaǵy Taldyqorǵan turǵyny. Ony tynyshtyqty buzǵany úshin polısıa basqarmasyna alyp kelgen. Bastyq qyzdy kórip, ony kabınetine ákelýdi buıyrǵan. Sol jerde ol qyzǵa ıntımdik baılanys usynǵan, al bas tartqan soń ony kúshtep zorlaǵan.
Sot úkiminen keıin Kúshtibaevtyń jubaıy, tergeý málimeti boıynsha, jábirlenýshini satyp alýǵa tyrysyp, sottaǵy kýálikti ózgertý úshin 40 mıllıon teńge usynǵan. Advokat pen sot hatshysy jábirlenýshige qysym kórsetip, zorlaýdy moıyndamaı, tek májbúrli qatynas dep kórsetýin suraǵan. Bul Kúshtibaevqa jeńil jaza taǵaıyndaýǵa sebep bolar edi — aıyppul nemese jarty jylǵa qamaý.
Jábirlenýshi óz málimdemesin ózgertetinin aıtyp, qomaqty aqshany sot úkiminen eki apta buryn alǵan. Biraq sheshýshi kúni ol óz sózin ózgertken joq. Aqshany qaıtaramyn dep ýáde etken soń, joǵalyp ketken. Sodan keıin Kúshtibaevtyń týystary sot hatshysynan 40 mıllıon teńgeni qaıtarýdy talap etip, aryz túsiremiz dep qorqytqan. Hatshy aqshany qaıtara almaǵan soń, eks-bastyqtyń jubaıy polısıaǵa júgindi. Polısıa alaıaqtyq faktisi boıynsha tergeý bastady. Bul rette Kúshtibaevtyń jubaıy tergeýge kómek kórsetkendikten tek kýáger retinde qatysyp otyr