Almaty jáne Jetisý oblystary boıynsha QAJ departamentiniń №71 mekemesinde qyzmetkerler mekemege tyıym salynǵan zattardyń kirýine jol bermedi.
Basqa bireýdiń múlkin urlaǵan degen kúdikpen qamaýǵa alynǵan tergeýdegi azamattyń aǵasy esirtkini tyǵyp ótkizýge tyrysqan. Alaıda, tergeý ızolátory qyzmetkerleriniń qyraǵylyǵynyń arqasynda esirtki zaty sýsabyn bótelkesinen tabyldy, dep habarlaıdy aqshamnews.kz Polisia.kz-ke silteme jasap.
Er adam aldyn ala 200 ml shprıske esirtkige uqsas jasyl zattardy salyp, olardy sýsabynnyń ishine jasyryp ótkizbek boldy. Tyıym salynǵan zattar tárkilenip, hımıalyq sot saraptamasyna jiberildi.
– Tyıym salynǵan zattardy berý faktisi beınetirkeýishke tirkeldi. QAJD mekemelerine esirtki zattaryn ótkizý olardy satý retinde saralanady, ıaǵnı bas bostandyǵynan aıyrý jazasyna taǵaıyndalatyn áreketterdiń biri, – dep atap ótti óńirlik QAJD bastyǵynyń mindetin atqarýshy Baqytjan Sháripbekov.