Qazaqstanda pedagogterdiń qol jetkizgen jetistikterin joǵary baǵalaý dástúrli sharaǵa aınaldy.
2012 jyldan bastap «Úzdik pedagog» respýblıkalyq baıqaýynyń aıasynda elimizdiń túkpir-túkpirinen kásibı qyzmetinde joǵary kórsetkishterge jetken ustazdar memleket tarapynan marapattalyp keledi, dep habarlaıdy aqshamnews.kz.
Oqý-aǵartý mınıstrliginiń málimetinshe, 12 jyl ishinde 700-ge jýyq qazaqstandyq pedagog jeńimpaz atandy.
Konkýrs pedagogterdiń shyǵarmashylyq jáne kásibı áleýetin damytýǵa yntalandyrýǵa baǵyttalǵan. Onyń ishinde ustaz pedagogıkalyq qaýymdastyqta tabysty synaqtan ótken ádistemeleri, sondaı-aq oqýshylarynyń jetistikteri arqyly baǵalanady. Dástúrli túrde jeńimpazdarǵa «Úzdik pedagog» tósbelgisi jáne 1000 AEK mólsherinde aqshalaı syıaqy beriledi.
Máselen, 2023 jyly 64 úzdik ustazǵa jalpy somasy 220 mln 800 myń teńge kóleminde syıaqy tólendi. «Úzdik pedagog» ataǵyn ıelenýshiniń árqaısysyna Qazaqstan Respýblıkasy Bilim jáne ǵylym mınıstriniń 2015 jylǵy 16 qańtardaǵy № 12 buıryǵyna sáıkes 3 mln 450 myń teńge kóleminde syıaqy berildi.
Baıqaýdy ótkizý rásimi avtomattandylyrǵan jáne jarıaly túrde ótedi. Respýblıkalyq baıqaý komısıasynyń quramyna úkimettik emes uıymdardyń, ata-analar qaýymdastyǵynyń ókilderi, jýrnalıser, pedagogter jáne Qazaqstandyq salalyq bilim jáne ǵylym qyzmetkerleriniń kásiptik odaǵynyń ókilderi enedi.
Bıylyǵy jyly «Úzdik pedagog» respýblıkalyq baıqaýynyń aýdandyq jáne oblystyq kezeńderi 8 tamyz-10 qyrkúıek aralyǵynda jergilikti jerlerde uıymdastyryldy. Alǵashqy eki kezeńniń nátıjesi boıynsha joǵary bal jınaǵan pedagogter respýblıkalyq kezeńge joldama alady. Qatysý úshin ótinim 5 qazanǵa deıin qabyldanady. Búgingi tańda 180-nen astam mektepke deıingi, orta, tehnıkalyq jáne kásiptik uıymdar pedagogi ótinim berip úlgerdi.