Sheneýnik toıǵa ruqsat bergenine para alǵan.
Almaty oblysynda Taldyqorǵan qalasy ákiminiń orynbasary jumystan qýyldy, dep habarlaıdy Almaty-akshamy.kz QazAqparat silteme jasap.
Bul jaıynda Sybaılas jemqorlyqqa qarsy qyzmettiń Almaty oblystyq departamenti resmı málimet taratty.
Qazir atalmysh departamenttiń tergeý basqarmasy Taldyqorǵan qalasy kásipkerlik bóliminiń basshysyna jáne bas mamanyna qatysty isti tergep jatyr. Olar QR Qylmystyq kodeksiniń 366-baby boıynsha para aldy degen kúdikke ilingen.
Aıta keteıik, atalǵan bólimniń bastyǵy qaramaǵyndaǵy bas mamanmen sybaılasyp, koronavırýsqa qatysty shekteý sharalary kezinde buqaralyq is-sharalardy ótkizýge tyıym salynǵanyna qaramastan, meıramhana ıelerinen jáne kóshedegi saýda-sattyq núktelerinen 20 myńnan bastap 270 myń teńgege deıin para alyp otyrǵan.
Olardan bólek taǵy 5 meıramhananyń ákimshisi de para bergeni úshin qylmystyq jaýapkershilikke tartylyp otyr.
Osy qylmystyq istiń negizinde Almaty oblystyq sybaılas jemqorlyqqa qarsy is-qımyl departamentiniń basshylyǵy qala ákiminiń qatysýymen keńes ótkizdi.
Onyń nátıjesi boıynsha tıisti baqylaý jasamaǵany úshin Taldyqorǵan qalasy ákiminiń orynbasary Sáýle Arzanbekova jumystan bosatyldy.
«Atalǵan jemqorlyq qylmysyn tergeý jalǵasyp jatyr. Basqa málimetter tergeý múddesine baılanysty jarıalanbaıdy», – dep málim etti departament.