Almatyda №8 emhananyń bas dárigeri Farıda Aǵybaeva qazaqstandyq jáne reseılik vaksınalarǵa senimsizdiktiń jalpy fonyn qurýǵa tyrysatyn antıvakserlerge jaýap berdi.
Farıda Aǵybaeva Almatyda 1 mıllıonnan astam adam vaksınasıadan ótetinin aıtty. Ázirge 635 myń adam birinshi komponentti aldy. 350 myńǵa jýyq almatylyq vaksınanyń eki dozasyn aldy. Bas dárigerdiń aıtýynsha, bul kórsetkish 2 mıllıonnan astam adam turatyn megapolıs úshin óte az.
«Búginde qazaqstandyqtar koronavırýsqa qarsy ár túrli vaksınalarǵa qol jetkize alady. «Spýtnık V» qazirdiń ózinde Serbıa, Vengrıa, BAÁ, Meksıka, Túrkıa, Brazılıa, Iordanıa, Shrı-Lanka sıaqty 67 elde maquldandy », - deıdi Farıda Aǵybaeva.
Onyń aıtýynsha, koronavırýsqa qarsy vaksına – bul álemdik medısınanyń jetistigi, óıtkeni preparattar rekordtyq qysqa ýaqytta jasaldy. Almaty qalasynyń №8 emhanasynyń bas dárigeri qazirgi ǵylymdy osydan elý jyl buryn vaksınalar jyldar boıy jasalǵan jaǵdaımen salystyrýdyń aqylǵa syımaıtynyn atap ótti, óıtkeni progrestiń damýy arqasynda olardyń jasalýy ózgerdi.
Farıda Aǵybaeva vaksınanyń kez kelgen shtammǵa áser etetinin, sebebi vırýstyń qurylymy ózgermeıtinin jáne vaksına ımýnıtetti qalyptastyratynyn aıtty. Bul aýrý yqtımaldyǵynyń joqtyǵyna kepildik bermeıdi, biraq vaksınalanǵan adamda koronavırýs jeńil túrde jáne asqynbaı ótedi.
Dáriger antıvakserlerdi KVI-ge qarsy vaksınalaryn negizsiz synamaýǵa, al halyqty – medısınaǵa senýge jáne sanıtarlyq-epıdemıologıalyq talaptardy oryndaýǵa shaqyrdy.
«Ásirese, qazir dert órship turǵan kezde jeke gıgıena erejelerin qatań saqtaý, qoldy jıi jýý, medısınalyq maskalardy qoldaný, áleýmettik qashyqtyqty saqtaý, balalardy kóp jınalatyn jerlerge, úlken oıyn alańdaryna barýdan bas tartý qajet», - dedi Farıda Aǵybaeva.