Ulttyq testileý ortalyǵy baıqaý synaqtaryn iske qosty
Testileý onlaın formatta ortalyqtyń saıtynda júzege asady, dep habarlaıdy Almaty-akshamy.kz
Baıqaý synaǵy oqýǵa túsýshilerge UBT-ǵa daıyndalýǵa kómek retinde ázirlendi.
Talapkerlerge UTO saıtynda app.testcenter.kz siltemesi boıynsha onlaın testileýden ótý múmkindigi beriledi.
Eske salaıyq, 2024 jylǵy UBT-da pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. Alaıda, "Oqý saýattylyǵy" men "Matematıkalyq saýattylyq" mindetti pánderinen tapsyrmalar sany 5 suraqqa qysqarady. Al beıindik pánderdiń suraqtar sany artyp, 40 test tapsyrmasynan turatyn bolady. Atap ótsek, beıindik pánderde berilgen tizimnen sáıkestikti anyqtaýǵa arnalǵan 5 tapsyrma qosylady.
"Osy ózgeristerdi esepke ala otyryp, biz jattyqtandyrý testin iske qostyq. Qazir talapkerler úshin baıqaý synaǵynyń bir nusqasy qoljetimdi, jaqyn arada taǵy da birneshe nusqa qosylady. Sonymen qatar oqý jylynyń basynda UTO saıtynda test tapsyrmalary qurastyrylǵan ádebıetter tizimi men test jospary; "Qazaqstan tarıhy" jáne "Dúnıejúzi tarıhy" pánderi boıynsha 100 tarıhı data tizimi; "Informatıka" páninen termınder tizimi; "Qazaq ádebıeti" jáne "Orys ádebıeti" boıynsha ádebı shyǵarmalar tizimi jarıalandy. Daıyndyq sapasyn jaqsartý úshin osy jáne basqa da qabyldanǵan sharalar túlekterimizge UBT-da joǵary nátıje kórsetýge kómektesedi dep úmittenemiz", – dep atap ótti QR ǴJBM Ulttyq testileý ortalyǵynyń dırektory Rýslan Emelbaev.