Qazaqstan Respýblıkasy Prezıdentiniń Jarlyǵymen bilim berýdegi aıryqsha jetistikteri men salanyń damýyna qosqan úlesi úshin elimizdiń 17 pedagogine «Qazaqstannyń eńbek sińirgen ustazy» qurmetti ataǵy berildi, dep habarlaıdy Almaty-akshamy.kz.
Oqý-aǵartý mınıstrliginiń málimetinshe, «Qazaqstan Respýblıkasynyń Memlekettik nagradalary týraly» QR Zańynyń 24-babyna sáıkes Mınıstrliktiń buıryǵymen marapattalǵan pedagogterge 1000 AEK kóleminde birjolǵy tólemaqy berildi.
Esterińizge sala keteıik, Memleket basshysy bıylǵy jyldyń 5 qazanynda ótken pedagogterdiń birinshi respýblıkalyq sezinde ustazdardy kásibı merekelerimen quttyqtaǵan bolatyn. Oǵan 700-ge jýyq bilim berý qyzmetkerleri qatysty.