Atalǵan qūjatqa Memleket basshysynyń Qytaı Halyq Respublıkasyna resmı sapary barysynda qol qoıyldy
Qasym-Jomart Toqaev pen Sı Tszınpınníń kelíssózderí ayaqtalǵannan keıín QR Kólík mınıstrlígí men QHR Damu jáne reformalar jóníndegí memlekettík komıtetí arasynda «Ayagóz-Tachen» temír jolyn salu jobasy boıynsha yntymaqtastyqty bírlesíp damytu jóníndegí ózara túsínístík turaly Memorandumǵa qol qoıdy. Mańyzdy qūjatqa qazaqstandyq taraptan Kólík mınıstrí Marat Qarabaev qol qoıdy, dep habarlaıdy Almaty-akshamy.kz Kólík mınıstrlígíne sílteme jasap.
QR Prezıdentí Qasym-Jomart Toqaev pen QHR Tóraǵasy Sı Tszınpınníń 2023 jylǵy mamyrdaǵy bírlesken málímdemesínde kórsetílgen Qazaqstan men Qytaı arasyndaǵy úshínshí transshekaralyq temírjol boıynsha mańyzdy uaǵdalastyqty belsendí íske asyru maqsatynda ekí eldíń jauapty vedomstvolary tómendegí bólímder boıynsha ózara túsínístíkke keldí:
- Qazaqstan men Qytaı arasyndaǵy jerústí kólík ınfraqūrylymynyń ózara baılanysynyń deńgeıín arttyru maqsatynda taraptar Qazaqstan men Qytaı shekarasynda úshínshí transshekaralyq temírjol men ótkízu punktín ashu múmkíndígín zerdeleuge qyzyǵushylyq bíldíredí. Osyǵan baılanysty, taraptar «Baqty – Pokıtu» ótkízu punktínde Qazaqstan men Qytaı arasyndaǵy transshekaralyq temírjol joldary qūrylysynyń oryndylyǵyn aldyn ala zerdeleu úshín osy ózara túsínístík turaly memorandum sheńberínde ózara ís-qımyl jasauǵa daıyn.
- Taraptar óz elderíníń tıístí vedomstvolarymen olardyń transshekaralyq temírjol yntymaqtastyǵyn íske asyrudy aldyn ala zerdeleu funktsıyalaryna sáıkes jūmysty ūıymdastyru jónínde bastamashlyq jasauǵa daıyn.
- Taraptar halyqaralyq tájírıbege sáıkes óz memleketteríníń aumaqtarynda uchaskelerdí aldyn ala zertteudí, jobalaudy, saludy jáne qarjylandyrudy júzege asyratynyn atap óttí.
- Temírjoldyń qıylysu núktesí anyqtalǵannan keıín Taraptar osy Memorandum sheńberínde transshekaralyq temírjol qatynasynyń shemasyn ázírleudí ayaqtauǵa qatysty baılanystardy qoldaıtyn bolady, onyń íshínde Taraptar júkterdí tasymaldaudyń yqtımal áleuettí kólemderí turaly aqparat almasatyn bolady.