Allegiant áýe kompanıasynyń tájirıbeli ushqyshy jekemenshik ushaqpen soqtyǵysýdan qashyp, borttaǵy 175 jolaýshyny aman alyp qaldy. Bul týraly Daily Mail basylymy kýágerdiń sózine júgine otyryp jazdy, - dep habarlaıdy Almaty-akshamy.kz.
21 jastaǵy Djerrıka Taker (Jerrica Thacker) basylymǵa Florıda - Kentýkkı reısimen ushqanynyn aıtyp berdi. Áýege kóterilgennen keıin jarty saǵat óte laıner 20 sekýnd boıy jyldam kóterile bastady. Záresi ushqan jolaýshlylar týrbýlenttik aımaqqa túsip kettik dep oılaǵan, alaıda kóp uzamaı ushqysh baılanysqa shyǵyp, bolǵan jaıdy túsindirip berdi. Sóıtse, olar jekemenshik ushaqpen betpe-bet soqtyǵysa jazdaǵan eken.
«Qulap bara jatqandaı elestedi. Aldymda turǵan zattardan myqtap ustap aldym da, sabyrǵa kelýge tyrystym», - deıdi boıjetken.
Oqıǵa ekıpaj ókilderi tamaq pen sýsyn taratyp júrgende bolǵan. Baǵyt birden ózgergendikten bortserikterdiń biri qulap, bilegin aýyrtyp aldy. Oǵan kómek kórsetý úshin ushqyshtar ushaqty qaıta qondyrdy.
«Endi ushaqqa qaıta otyrmaıtyndaı boldym. Áýe kompanıasy bizge 200 dollarǵa (89 myń teńgedeı) vaýcherler taratty. Biraq ony qoldanbaıtyn shyǵarmyn», - deıdi Djerrıka.