Medeý aýdanynyń ońtústik bóligin sýmen jabdyqtaý, «Almaty Sý» derekteri boıynsha, 3 tamyzda saǵat 11:00-degi jaǵdaı boıynsha tolyq qalpyna keltirildi. Buǵan taýly ózenderdegi sý deńgeıiniń turaqtanýy jáne sýdyń lastaný deńgeıiniń tómendeýi yqpal etti.
«Almaty Sý» MKK saǵat saıyn sýdyń sapasyna baqylaý júrgiziledi. Zerthanalyq taldaýlar Kishi Almaty ózenindegi sýdyń laılaný kórsetkishteriniń tómendegenin kórsetedi, bul sýdy úzdiksiz alýdy júzege asyrýǵa jáne ony úılerge jetkizer aldynda odan ári tazartýǵa múmkindik berdi.
Bastapqy ózen sýynyń sapasyna áser etetin qolaıly aýa raıy saqtalǵan jaǵdaıda sýmen jabdyqtaý úzilissiz júzege asyrylatyn bolady.
Sý berýdi májbúrlep shekteýdiń bir sebebi – Medeý aýdanynyń joǵarǵy bóligi tarıhı túrde jer ústi sý kózderi aımaǵynda bolýy.
Sondyqtan Almaty ákimi Erbolat Dosaev Medeý aýdanynyń joǵarǵy bóligin jer asty sýmen jabdyqtaý kózderine qosý boıynsha aýqymdy joba ázirleýdi tapsyrdy. Negizgi maqsat-taý bókteriniń turǵyndaryn taýly ózenderge tikeleı táýeldilikten aryltý. Osylaısha, joba aıasynda Medeý aýdanynyń ınjenerlik jelileri men obektileri qolda bar jerasty sý qoımalarynyń qýatyna qosymsha qosylatyn bolady.
Budan basqa, Almatyda árqaısysy 3 myń tekshe metrge deıingi «Balqash» stansıasynda 4 skvajına men rezervýardyń qurylysy júrgizilýde. Bul joba 20 myńǵa jýyq adam turatyn Kamenskoe plato, Kólsaı, Muztaý jáne Iýbıleınyı shaǵyn aýdandarynyń turǵyndaryn sýmen qamtamasyz etýge múmkindik beredi.
Eske salsaq, Almatyda «Qazgıdromet» RMK derekteri boıynsha sońǵy 8 jylda alǵash ret tirkelgen uzaq ýaqyt boıy jylýdyń saldarynan sýmen qamtamasyz etý problemalary bastaldy. Bul muzdyqtardyń erýine, sý deńgeıiniń joǵarylaýyna, shaıylǵan ózen jaǵalaýlaryna jáne jergilikti sel shyǵaryndylaryna ákeldi. Osylardyń saldarynan sý alý prosesi toqtatyldy. Shekteý aımaǵynda 50 kóppáterli jáne 4 047 jeke turǵyn úıler boldy.