Eki eldiń úkimet músheleri sondaı kelisimge keldi.
Aldaǵy jazda Tájikstan úkimeti Qazaqstanǵa byltyrǵydaı qosymsha sý jiberetin boldy, dep habarlaıdy Almaty-akshamý.kz.
«Ekologıa vıse-mınıstri Serik Qojanıazov Dýshanbede jumys sapary barysynda Tájikstan Respýblıkasy Energetıka jáne sý resýrstary mınıstriniń orynbasary Shoımzoda Djamshed Shodımen kezdesý ótkizdi», - delingen Ekologıa mınıstrliginiń baspasóz qyzmetiniń habarlamasynda.
Taraptar Syrdarıa ózeni baseınindegi qalyptasqan sý sharýashylyǵy jaǵdaıyn talqylady. Bahrı Tochık sý qoımasynyń 2021-2022 jyldardaǵy vegetasıaaralyq jáne 2022 jylǵy vegetasıalyq kezeńdegi jumys rejımin kelisý boıynsha kelissózder júrgizdi.
«Qazaqstan tarapy 2022 jyldyń vegetasıalyq kezeńinde byltyrǵydaı Bahrı Tochık sý qoımasynan qosymsha sý jiberý júzege asyrylatyn bolady degen ýaǵdalastyqqa qol jetkizdi. Bul Túrkistan jáne Qyzylorda oblystarynyń fermerlerin sý az bolǵan jaǵdaıda sýarmaly sýmen qamtamasyz etýdi jaqsartýǵa múmkindik beredi», - delingen habarlamada.