Olardyń qatarynda tamaq ónerkásibi, qurylys ındýstrıasy, hımıa ónerkásibi, IT-ındýstrıa, metal prokaty sıaqty salalar bar.
Úkimettiń resmı saıtynyń málimdeýinshe, bul Qazaqstannyń Iranǵa sońǵy 5 aıdaǵy ekinshi saýda-ekonomıkalyq mısıasy, dep habarlaıdy Almaty-akshamy.kz
Tegeranda qazaqstandyq bıznes-mıssıa tabysty ótti.
Qazaqstandyq bıznesti tamaq ónerkásibi, qurylys ındýstrıasy, hımıa ónerkásibi, IT-ındýstrıa, metal prokaty jáne t. b. salalarda jumys isteıtin 15 óndirýshi kompanıa tanystyrdy.
Atap aıtqanda, Iran bıznesimen kelissózderge et, un ónimderin óndirýshiler, jumyrtqa, makaron ónimderin, balmuzdaq, ósimdik maıy men jarma óndirýshiler qatysty. Sondaı-aq hımıalyq ónimder, bolat symdar men arqandar, metal bóshkeler, telekomýnıkasıalyq jabdyqtar men modem óndirýshiler de bar.
Qazaqstandyq bıznestiń Iranǵa saýda-ekonomıkalyq mısıasyn uıymdastyrýshy — «QazTrade» AQ eksportty qoldaý men damytýdyń biryńǵaı operatory. Saýda-ekonomıkalyq mısıany ashqan QR Premer-Mınıstriniń orynbasary – Saýda jáne ıntegrasıa mınıstri Baqyt Sultanov Iran Qazaqstannyń mańyzdy saýda seriktesteriniń biri ekenin atap ótti.
«Biz Qazaqstan-Iran ekijaqty saýda-ekonomıkalyq qatynastaryn odan ári damytý men tereńdetýge, ásirese elderimiz arasyndaǵy saýdany damytýǵa úlken mán beremiz», — dedi B. Sultanov.
Qazaqstandyq kompanıalar Iranǵa metalýrgıa salasyn, tamaq, mashına jasaý, farmasevtıka, qurylys materıaldaryn qosa alǵanda, $162,3 mln somasyna birqatar salalardyń óńdelgen taýarlarynyń eksportyn arttyrýǵa daıyn.
V2V kelissózderdiń qorytyndysy boıynsha qazaqstandyq jáne ırandyq kompanıalar $14 mln somasyna birneshe kelisim jasasty. Atap aıtqanda, Iranǵa et, un, balmuzdaq, ósimdik maıyn jetkizýge arnalǵan kelisimsharttarǵa qol qoıyldy. Sondaı-aq QazTrade AQ men Trade Promotion Organisation of Iran arasynda taýar aınalymyn $100 mln-ǵa arttyrýǵa ózara nıet týraly memorandýmǵa qol qoıyldy.