Qazaqstan jaǵy Tájikstan tarapyna alǵys bildirdi.
Qazaqstan men Tájikstan úkimetiniń músheleri arnaıy kezdesip, eki eldiń sý sharýashylyǵynyń máselelerin talqylady, dep habarlaıdy Almaty-akshamy.kz.
«Qazaqstandyq tarap Bahrı-Tochık sý qoımasynan sý tastaýdy ulǵaıtqany úshin tájik tarapyna alǵys bildirdi. Máselen, Túrkistan oblysynyń aýyl sharýashylyǵy taýar óndirýshilerin sýmen qamtamasyz etý maqsatynda «Dostyq» kanalynyń qazaqstandyq bóligine sý berý 80 m3/s-nan 100 m3/s-qa deıin ulǵaıtyldy»,– delingen Ekologıa, geologıa jáne tabıǵy resýrstar mınıstrliginiń baspasóz qyzmetiniń habarlamasynda.
Resmı aqparat boıynsha, Qazaqstan Respýblıkasy men Tájikstan Respýblıkasynyń Premer-Mınıstrleri telefon arqyly sóılesý qorytyndysy boıynsha qol jetkizilgen ýaǵdalastyqqa sáıkes, 26 shildede Dýshanbe qalasynda Qazaqstan Respýblıkasynyń Ekologıa, geologıa jáne tabıǵı resýrstar mınıstri Maǵzým Myrzaǵalıevtiń Tájikstan Respýblıkasynyń Energetıka jáne sý sharýashylyǵy mınıstri Daler Djýmamen ekijaqty kezdesýi ótken.
Taraptar Syrdarıa ózeniniń orta jáne tómengi aǵysyndaǵy sý sharýashylyǵy jaǵdaıyn jaqsartý jónindegi birlesken sharalardy jalǵastyrýǵa kelisti.