Iri munaı-gaz jobalarynyń júzege asyrylýy jónindegi jospar qarastyryldy.
Memleket basshysy Qasym-Jomart Toqaev «Enı S.p.A.» kompanıasynyń atqarýshy dırektory Klaýdıo Deskalsıdi qabyldady, dep Almaty-akshamy.kz Akorda.kz saıtyna silteme jasap.
Kezdesý barysynda Qashaǵan jáne Qarashyǵanaq iri munaı-gaz jobalarynyń júzege asyrylýy jónindegi jospar qarastyryldy.
Prezıdent Qasym-Jomart Toqaevqa jalǵasyp jatqan pandemıa jaǵdaıyna qaramastan, Qashaǵandaǵy qazirgi jobalardyń iske asyrylý qarqyny saqtalyp otyrǵany baıandaldy.
Klaýdıo Deskalsıdiń aıtýynsha, munaı óndirý isin arttyrý jóninde birqatar mańyzdy ınvestısıalyq sheshim qabyldanǵan. Konsorsıým Qashaǵan ken ornyn tolyqqandy ıgerýdiń tujyrymdamasyn ázirlep jatyr. Sondaı-aq gaz óńdeý qýatyn kúsheıtý jumystary jalǵasýda.
Memleket basshysy energetıkalyq baǵyttaǵy ınvestısıalyq jobalardy odan ári júzege asyrýǵa Qazaqstannyń basa mán beretinin aıtty. Osy rette Prezıdent otandyq ónim úlesiniń joǵary bolýyn qamtamasyz etý qajettigine nazar aýdardy.
Budan bólek áńgime barysynda jer qoınaýyn ıgerý, geologıalyq barlaý jumystaryn júrgizý jáne jasyl energetıka salasyndaǵy jobalardy iske asyrý máseleleri talqylandy.