Taıvandaǵy prezıdent saılaýy ótip Laı Sınde jeńiske jetti, dep habarlaıdy almaty-akshamy.kz Kazinform silteme jasap.
Saılaýshylardyń 41%-y Laı Sındege daýys berdi (búletenderdiń 80%-y óńdelgennen keıin). Saılaýshylardyń 33%-y Gomından partıasynyń kandıdaty Hoý Iýıdi qoldady. Úshinshi úmitker Taıvan halyqtyq partıasynyń (THP) basshysy Ke Venchje 26 paıyzǵa jýyq daýys jınady.
Taıvanda sonymen birge zań shyǵarýshy ıýanǵa (Parlamentke) saılaý ótti.Ortalyq saılaý komısıasynyń málimetinshe, parlamenttiń jańa shaqyrylymynda DPP-da 52, Gomından partıasynda 51 oryn bolsa, Taıvan halyqtyq partıasynda 8 mandat, sonymen birge táýelsiz kandıdat ta bir mandat alady. Qalǵan oryn úshin Jańa Taıbeıdegi saılaý okrýgteriniń birinen – DPP men Gomından partıasynyń kandıdattary arasynda talas júrip jatyr.
Esterińizge sala keteıik, búgin Taıvanda prezıdent jáne parlament saılaýy ótti. Daýys berýge 19,5 mıllıon adam qatysty. Taıvan prezıdenti tórt jyldyq merzimge saılanady jáne bir ret qaıta saılana alady.