Taılandta qolǵa túsken Qazaqstan azamatyna qandaı aıyp taǵylǵany belgili boldy, dep habarlaıdy Almaty-akshamy.kz.
Bul týraly Syrtqy ister mınıstrliginiń resmı ókili Aıbek Smadıarov vedomstvoda ótken brıfıń barysynda málimdedi, dep jazdy BAQ.KZ.
Aıtýynsha, keıbir buqaralyq aqparat quraldary aqparatty qaıtalap teksermeı, derekkózge silteme jasap taratqan.
Osyǵan qatysty biz málimet surattyq, taı bıligi rastady. Qazir onyń kim ekeni anyqtaldy. Shyn máninde ol Qazaqstan Respýblıkasynyń azamaty. Taıland polısıasy ony 45 táýlikke qamaýǵa aldy. Oǵan atalmysh elde bolýdyń vızalyq rejımin 4 kúnge asyryp, buzǵany týraly aıyp taǵylyp otyr. Odan basqa resmı aqparat túsken joq. Qazaqstannyń Taıland elshiligi bul máseleni baqylaýda jáne Taılandtyń quqyq qorǵaý organdarymen turaqty baılanysta otyr. Iaǵnı, onyń oq atqany, atpaǵany belgisiz. Tek kóshi-qon rejımin buzǵany belgili, - dedi resmı ókil.
Eske sala keteıik, buǵan deıin Phýket áýejaıynda Qazaqstan azamatynyń ustalǵany týraly habar taraǵan bolatyn.