Klasıkalyq shahmattaǵy «Azıanyń shahmat koroli» ataǵy ózbekstandyq grosmeıster Shamsıddın Vohıdovqa buıyrdy. Kúmisti ırandyq grosmeıster Bardıa Daneshvar alsa, al qola júldeni qazaqstandyq shahmatshy Álisher Súleımenov mise tutty, dep habarlaıdy almaty-akshamy.kz
Ashyq blıs-týrnırde nemese jyldam shahmatta FIDE sheberi, Semeıden kelgen 20 jastaǵy Arystan Isanjýlov chempıon atandy.
Ekinshi oryndy úndistandyq shahmatshy Venkatesha Pranava ıelendi. Úshinshi oryndy otandasymyz Denıs Mahnev qanjyǵasyna baılady.
Áıelder arasynda qazaqstandyq shahmatshy, FIDE halyqaralyq sheberi, 18 jastaǵy Ksenıa Balabaeva altynnan alqa taqty.
Kúmis medalǵa Úndistan shahmatshysy Dıve Deshmýh ıe bolsa, úzdik úshtikti mońǵol shahmatshysy Týrmýnhıın Mýnhzýl túıindedi.
Chempıonat 3-11 maýsym aralyǵynda ótip, Qazaqstan, Qytaı, Úndistan, Iran, Fılıppın, Shrı-Lanka, BAÁ jáne Sıngapýr syndy Azıanyń 18 elinen 128 oıynshy ózara baq synasty.