Energetıka mınıstri Almasadam Sátqalıev keıbir janarmaı quıý beketterinde AI-95 markaly benzınniń jetispeı jatqany týraly aıtty.
Bul Shymkent munaı-hımıa zaýytyndaǵy jóndeý jumystaryna baılanysty bolyp otyr, dep habarlaıdy Almaty-akshamy.kz
«AI-95 markaly benzınniń tapshylyǵy baıqaldy. Bul Shymkent munaı-hımıa zaýytyndaǵy jóndeý jumystaryna, sondaı-aq Atyraý zaýytynyń apatty jaǵdaıda toqtap qalýyna baılanysty bolyp otyr. Qazir munaı bazalary men zaýyttarda qajetti kólem jınaldy. Janarmaıdyń bul túri ákimdikterdiń ótinishine sáıkes jóneltilip jatyr. Tutyný kólemi artqan aımaqtarda azdap keshigýler bolýy múmkin. Janarmaı tapshylyǵy ishki jetkizilim esebinen jabylady», - dedi mınıstr tilshiler saýalyna.
Ol janarmaıdyń bul túrine qatysty baǵa ózgerisi bolýy múmkin ekenin, degenmen mınıstrlik baǵanyń kúrt ósýine jol bermeý úshin jumys istep jatqanyn eske saldy.
«AI 95 markasy rettelmeıtin janarmaı túrine jatatyndyqtan, avtobeketter baǵany kóterýge quqyly. Energetıka mınıstrligi retinde biz baǵa kórsetkishi boıynsha usynystar jasaı alamyz. Sondyqtan janarmaıdyń bul túriniń baǵasy kúrt qymbattap ketpes úshin qazirgi kezde ónim ıelerimen de, janarmaı quıý stansıalary bar kásiporyndarmen de jumystar júrgizip jatyrmyz», - dedi A. Sátqalıev.