Qostanaı oblysynda órtten bir úıdiń 5 balasy qaıtys boldy.
Oqıǵa Jitiqara qalasynda tańǵy saǵat 4:29-da jeke aýlanyń aýmaǵynda bolǵan, dep habarlaıdy aqshamnews.kz
Órtten turǵyn úıdiń tóbesi qulaǵan. Qutqarýshylar oqıǵa ornyna 7 mınýt ishinde jetken.
“Órt bolǵan kezinde úıde úlkenderdiń qaraýynsyz 2011, 2016, 2018, 2019, 2022, 2023 jyldary týǵan, kámeletke tolmaǵan balalar bolǵan. Úıindilerdi tazalaý kezinde bes balanyń máıiti tabyldy. 2011 jyly týǵan úlken bala zardap shekpegen”, - delingen aqparatta.
Aldyn ala aqparat boıynsha, órt peshten shyqqan. Balalardyń anasy keshke taıaý tanysyna ketken. Jubaıy túrmede otyr.
Jergilikti bılik kómek kórsetetinin habarlady. Tótenshe jaǵdaılar mınıstrligi balalardy qaraýsyz qaldyrmaý kerektigin eskertedi.