Búginnen bastap Astana qalasynda engiziledi.
Endi júrgizýshi kýáligine úmitkerler eki faktorly aýtentıfıkasıadan ótedi, dep habarlaıdy aqshamnews.kz
Eki faktorly aýtentıfıkasıa – qoldanýshynyń eki túrli ádispen ózin-ózi rastaý kerek. Birinshisi – SMS habarlamanyń kómegimen, ekinshisi – bıometrıalyq sáıkestendirý arqyly.
Qyzmet alýshyǵa testten ótpes buryn 1414 nómirinen jeke derekterge qatysty suraý salý týraly habarlama keledi. Aıta ketý kerek, SMS qoldanýshynyń Elektrondy úkimet portalynyń jeke kabınetine tirkelgen telefon nómirine jiberiledi.
Sátti avtorızasıadan keıin qyzmet alýshy bıometrıalyq sáıkestendirýden ótedi.
«Alaıaqtar kún saıyn aldaýdyń jańa tásilderin oılap tabýda. Osy oraıda bizdiń qyzmetkerlerimiz de zańbuzýshylyqtardy anyqtaý úshin úlken jumystar atqarýda. Sonymen qatar Memlekettik korporasıa qyzmet kórsetýdiń sapasyn jaqsartý boıynsha turaqty jumys júrgizip keledi. Endigi kezekte, eki faktorly aýtentıfıkasıany engizý emtıhandaǵy buzýshylyqtardyń sanyn azaıtýǵa kómektesedi dep senemin. Sáıkesinshe qyzmet alýshynyń derekteri de senimdi qorǵalady», – dep atap ótti Memlekettik korporasıanyń Basqarma Tóraǵasy Arman Kenjeǵalıev.