Respublica partıasy bıyl 18 qańtarda resmı túrde tirkeldi.
Respublica partıasy Ortalyq saılaý komısıasyna 19 naýryzda ótetin kezekten tys Májilis jáne máslıhattar depýtattary saılaýyna tıisti qujattardy ótkizdi, dep habarlaıdy Almaty-akshamy.kz QazAqparatqa silteme jasap.
Ortalyq saılaý komısıasy músheleri Respublica partıasy ókilderi tapsyrǵan ár qujatty jeke tekserdi.
«Qujattar QR Saılaý týraly zańnyń 87-babynda kórsetilgen tizim boıynsha usynylady. Usynylǵan qujattar boıynsha eskertýler joq», - dedi OSK qujattardy qabyldaý komısıasynyń basshysy Álıa Ǵalymova.«Búgin Ortalyq saılaý komısıasyna tıisti qujattardy tapsyrdyq. Partıa atynan saılaýǵa 25 kandıdat jáne 4 úmitker birmandatty saılaý júıesi boıynsha baq synaıdy. Onyń ishinde erler - 17, áıelder - 8. Kandıdattardyń orta jasy – 38. Úmitkerlerdiń eń kishisi 25-te, úlkeni 51 jasta», - dedi Respublica partıasynyń saılaýaldy shtabynyń basshysy Oljas Quspekov.
6 aqpanda partıa sezinde Májilis depýtattyǵyna kandıdattar tizimin bekitti.
Nátıjesinde atalǵan partıa atynan Májilis depýtattyǵyna úmitkerler tizimine 29 adam engizilgen edi.