Aýylda ınternet paıdalanýshylardyń úlesi 97%-ǵa jetpek.
Úkimette ulttyq jobalardy ázirleý barysy talqylandy, dep habarlaıdy Almaty-akshamy.kz Primeminister.kz saıtyna silteme jasap.
Premer-Mınıstrdiń orynbasary – qarjy mınıstri Erulan Jamaýbaev "Qoljetimdi ınternet" jáne "Árbir eldi mekende taza aýyz sý" ulttyq jobalaryn iske asyrý jóninde keńes ótkizdi.
Sıfrlyq damý, ınovasıalar jáne aeroǵarysh ónerkásibi mınıstrliginiń málimetinshe, 2027 jyly keń jolaqty ınternettiń úıdegi jelilerine qol jetkizý deńgeıi 100%-ǵa jetedi. Sonymen qatar 2027 jyly 5G-men qamtý respýblıkalyq mańyzy bar qalalarda 75%-ǵa, oblys ortalyqtarynyń qalalarynda 60%-ǵa jetpek. Al aýyldyq jerlerde ınternet jelisin paıdalanýshylardyń úlesi 2027 jyly 97%-ǵa jaqyndaıdy.
Sonymen qatar keńeske qatysýshylar Memleket basshysynyń halyqty aýyz sýmen júz paıyz qamtamasyz etý jónindegi tapsyrmasyn oryndaý sheńberinde ázirlengen "Árbir eldi mekende taza aýyz sý" ulttyq jobasyn qarady.
QR Indýstrıa jáne ınfraqurylymdyq damý mınıstrligi osy jobany qarjylandyrýdy qaıta qarady. Ony iske asyrý 2025 jyldyń qorytyndysy boıynsha barlyq qalalar men aýyldardy sýmen jabdyqtaý qyzmetterine 100% qoljetimdilikti qamtamasyz etýge múmkindik beredi.
Keńes qorytyndysy boıynsha Erulan Jamaýbaev tıisti memlekettik organdarǵa naqty tapsyrmalar berdi.