Qazaqstandyqtar eGov.kz portalynda 073/ý formasyndaǵy medısınalyq anyqtamany alýǵa múmkindik aldy. Bul anyqtama adamnyń kólik quralyn basqarýǵa densaýlyǵynyń jaramdylyǵyn rastaıtyn qujat bolyp tabylady, dep habarlaıdy aqshamnews.kz
073/ý formasyndaǵy medısınalyq anyqtama — kólik júrgizýshilerine qajetti mindetti qujat, ol kólik quralyn basqarýǵa eshqandaı qarsy kórsetilimderdiń joqtyǵyn rastaıdy. Buryn bul anyqtamany azamattar qaǵaz túrinde alatyn edi, ol úshin tórt mamannan — terapevt, psıhıatr-narkolog, oftalmolog jáne otolarıngologtan medısınalyq tekserýden ótý qajet bolatyn. Qazirgi ýaqytta bul qyzmetti alý ońaılap, azamattar ony elektrondy formatta alady, al sıfrlyq qujat avtomatty túrde biryńǵaı derekqorda saqtalady.
Qyzmetti onlaın alý úshin:
- eGov.kz portalyna avtorızasıadan ótip, «Densaýlyq saqtaý — Medısınalyq kómek» bólimin tańdańyz;
- «Medısınalyq anyqtamany 073/ý formasy boıynsha berý» qyzmetin tańdańyz;
- Suranysty qoljetimdi ádisterdiń birimen qoltańdańyz.
Bul jańashyldyq medısınalyq tekserýden ótýdi jeńildetip, qajetti anyqtamany elektrondy túrde alýǵa múmkindik beredi.