Qazaqstanda bir azamat Konstıtýsıalyq sotqa ótinish berip, eńbek ótiline bala kútimi boıynsha tólenetin ýaqytty esepke alý týraly normanyń zańdylyǵyn tekserýdi suraǵan.
Qazirgi ýaqytta bul ereje tek jumys istemeıtin analarǵa ǵana qatysty ekendigin aıtyp, narazylyq bildirgen. Er azamat osy erejeniń teńdik jáne kemsitýshilikke qarsy qaǵıdalaryn buzatynyn aıtady, óıtkeni ol ákelerge bala kútimi úshin eńbek ótilin esepke alýǵa múmkindik bermeıdi, dep habarlaıdy aqshamnews.kz
Qazaqstannyń Áleýmettik kodeksiniń 208-babynyń 1-tarmaǵynyń 8-tarmaqshasyna sáıkes, balalarǵa kútim jasaý úshin eńbek ótili tek jumys istemeıtin analarǵa esepteledi. Bul norma boıynsha, bala úsh jasqa tolǵanǵa deıin, biraq barlyǵy 12 jylǵa deıin jumys istemeıtin analarǵa bala kútiminiń ýaqytyn eńbek ótiline qosýǵa bolady.
Ótinish berýshi bul normanyń teńdik prınsıpterine qaıshy keletinin jáne er azamattardyń bala kútimi úshin ózderiniń eńbek ótilin esepke alý múmkindiginen aıyrylyp otyrǵanyn aıtady. Osy sebepten, Konstıtýsıalyq sot qazirgi erejelerdi qaıta qarap, ákelerge de bala kútimi úshin eńbek ótilin esepke alý múmkindigin berý qajettigin teksermek.
Qazirgi ýaqytta Konstıtýsıalyq sot bul máseleni qarap jatyr.