28-30 qarasha aralyǵynda Qazaqstanda aýa raıy ózgerip, jańbyr jaýyp, qarǵa ulasady dep kútilýde, dep habarlaıdy aqshamnews.kz.
«Qazgıdromet» málimeti boıynsha, aldaǵy úsh kúnde respýblıkanyń kóp bóliginde aýa raıy turaqsyz bolady. Aptanyń ortasynda jańbyr men qar jaýýy múmkin.
Sınoptıkterdiń aıtýynsha, Qazaqstannyń ońtústik-batysyndaǵy aımaqtarda kóktaıǵaq, tuman jáne jeldiń kúsheıýi boljanady, al aıdyń sońyna qaraı bul qubylystar elimizdiń kóptegen bólikterinde baıqalady. Sonymen qatar, ońtústiktegi taýly aýdandarda qarly jaýyn-shashyn kóp bolady dep kútilýde.
Temperatýranyń aıtarlyqtaı ózgerýi kútilmeıdi, biraq jaýyn-shashyn men aýa raıynyń turaqsyzdyǵy turǵyndar men júrgizýshilerge qıyndyq týǵyzýy múmkin.