Senat depýtattary oıyn bıznesine qatysty ózgeristerdi maquldady.
Zań prezıdenttiń qol qoıýyna jiberildi, dep habarlaıdy aqshamnews.kz
"Oıyn bıznesi týraly" zańǵa engizilgen túzetýge sáıkes, taǵy bir sanatqa kiretin adamdarǵa qumar oıynǵa qatysýǵa tyıym salyndy. Olar – bas bostandyǵyn shekteýge sottalǵan nemese shartty túrde sottalǵan adamdar. Bul olardyń áleýmettik qaıta beıimdelýine, qoǵamǵa sińisip ketýine úlken kómek bolady", - deıdi senatorlar.
Aıta keteri, byltyr qazaqstandyqtardyń belgili bir tobyna qumar oıyndarǵa qatysýǵa jáne bás tigýge tyıym salynǵan bolatyn.
Olar:
21 jasqa tolmaǵan azamattar;
oıyn jáne bás tigýge qatysýy shektelgen, sonyń ishinde ózin-ózi shektegen (6 aıdan 10 jylǵa deıin) azamattar;
boryshkerlerdiń biryńǵaı tizilimine sáıkes ótelmegen mindettemeleri bar tulǵalar;
memlekettik qyzmetshiler;
áskerı qyzmetkerler;
arnaıy memlekettik organdardyń qyzmetkerleri.
Olar tyıymdy buzǵany úshin jumystan bosatylady.