Keıbir azamattardyń alıment tóleı alatyndaı jaǵdaıy bar.
Biraq soǵan qaramaı, balasyn asyraýdan ádeıi jaltarady, tabysy men múlkin jasyrady, dep habarlaıdy Almaty-akshamy.kz
Bul týraly Ortalyq komýnıkasıalar qyzmetinde ótken brıfıńte Respýblıkalyq jeke sot oryndaýshylar palatasynyń tóraǵasy Aıdos Imanbaev aıtty.
«Keıbir boryshkerler naqty qarjylyq múmkindikteri bola turyp, balalaryn asyraýdan ádeıi jaltarady, tabysy men múlkin jasyrady. Búgingi tańda alımenttiń mólsheri boryshkerdiń tabysyna baılanysty belgilenedi. Bul teris pıǵyldy boryshkerlerge tabystaryn jasandy túrde azaıtyp kórsetýge jol beredi. Ádette, bul boryshkerlerdiń kópshiligi jeke kásipker retinde resmı tirkelip, ózderine eń tómengi jalaqy 70 000 teńge belgileıdi», - dedi másele kóterdi Aıdos Imanbaev.
Onyń aıtýynsha, bul máselelerdi sheshý úshin balalardyń quqyǵyn qorǵaý jónindegi ýákiletti organ bastamasymen alıment mólsherin qaıta qaraý usynysy kóterilip jatyr.
«Ádilet mınıstrligi múddeli memlekettik organdarmen birlesip, boryshkerlerdiń jasyryn tabysyn, ıaǵnı taksı qosymshalary, kýrerlik qyzmette jumys isteıtin adamdardyń tabysyn anyqtaý máselelerin pysyqtaýda», - dep bólisti Aıdos Imanbaev.