Sondaı-aq ol IýNESKO-nyń búkilálemdik mádenı muralary tizimine engen Túrkistan qalasyndaǵy Qoja Ahmet Iasaýı kesenesine barǵan kezde alǵan áserin bólisti, dep habarlaıdy Almaty-akshamy.kz.
IýNESKO-nyń Bas dırektory Prezıdent Qasym-Jomart Toqaevtyń basshylyǵymen júzege asyrylyp jatqan aýqymdy reformalarǵa, sonyń ishinde azamattyq qoǵamdy nyǵaıtýǵa, bilim jáne mádenıet salasyn damytýǵa qatysty bastamalaryna joǵary baǵa berdi.
– Meniń Qazaqstanǵa jasaǵan saparym Sizdiń elińizdegi mańyzdy strategıalyq kezeńmen tuspa-tus keldi. Siz aýqymdy reforma júrgizip jatyrsyz. Bul iste sizdiń prezıdenttik mandatyńyz sheshýshi ról atqarýǵa tıis, – dedi Odre Azýle.
Sondaı-aq, Odre Azýle Qasym-Jomart Toqaevqa «Býrabaı» jáne «Marqakól» qoryqtary bıosferalyq rezervattardyń jahandyq jelisine, sondaı-aq «Orteke» mýzykalyq-qýyrshaq óneri IýNESKO-nyń materıaldyq emes mádenı muralar tizimine engenin rastaıtyn sertıfıkattardy tabystady.
