Qazaqstanda Sýtegi dıplomatıasy búrosy ashylatyn boldy. Bul týraly elordada Germanıanyń Federaldyq Syrtqy ister mınıstri Analena Berbok aıtty, dep habarlaıdy Almaty-akshamy.kz QazAqparatqa silteme jasap.
«Germanıanyń kásiporyndary sýtegi, jel jáne kún energıasy jobalarynda aldyńǵy qatarda tur. Biz Astanada Sýtegi dıplomatıasy keńsesin ashýdy josparlap otyrmyz. Bul búro sarapshylar men mamandardy tartý turǵysynda mańyzdy bolmaq. Osy oraıda mańyzdy jobalardy naqty iske asyrýǵa jaǵdaı jasalady», - dedi Analena Berbok.
Munymen qosa ol Qazaqstan qazirgi kezde mańyzdy reformalardy iske asyryp jatqanyn atap ótti.
«Biz saıası reforma, zań ústemdigi, adam quqyqtary jónindegi dıalogty keńeıtkimiz keledi. Ashyq, kúshti jáne ózine senimdi azamattyq qoǵam ınovasıalar men tabysty bolashaqqa jol bastaıtynyna senimdimin», - dedi Germanıa mınıstri.