Ulttyq bank pen Qarjy naryǵyn retteý jáne damytý agenttigi banktermen keńes ótkizdi.
Jıyn barysynda qazaqstandyqtardyń qaryzdyq júktemesin azaıtý sharalary talqylandy. Tabysy tómen azamatarǵa nesıe berý talaptary kúsheımek, dep habarlaıdy aqshamnews.kz.
Qarjy naryǵyn retteý jáne damytý agenttigi bankterdi qaryzyn qaıtara almaıtyndarǵa nesıe bermeý úshin azamattardyń tólem qabilettiligin muqıat tekserýdi mindetteýdi usyndy. Sondaı-aq qarazyn merziminen keshiktirgen qazaqstandyqtardyń bereshegin odan ári arttyrýǵa shekteý engizgisi keletinin jetkizdi.
Agenttik bankterdiń qarjylyq turaqtylyǵyna teris áser etetin “nashar” nesıelerdiń jınalýynyń aldyn alý úshin qosymsha sharalardy (normatıvtik jáne zańnamalyq) qarastyrady.
Bankter problemalyq tutynýshylyq nesıelerdi qaıta qurylymdaý jumystaryn jalǵastyrýy kerek. Iaǵnı, qaryz alýshylar qaryzdy óteý kezinde qıyndyqtarǵa tap bolǵan jaǵdaıda, olar nesıelerdiń sharttaryn qaıta qarastyrady. Eń aldymen qıyn jaǵdaıǵa tap bolǵan azamattarǵa kómek kórsetiledi, – delingen habarlamada.
Sondaı-aq kezdesýde "Damý" qory negizinde shaǵyn jáne orta bıznes sýbektileriniń nesıelerin kepildendirý qory qurý máselesi qaraldy.
Bankter men memleket kepildik qorynyń sharttaryn talqylaýdy jalǵastyrady. Bul kóptegen kásiporyndardyń qordan kepildik alýyna múmkindik beredi.
Vedomstvolar arasyndaǵy ózara árekettestikti jaqsartý úshin Jobalyq keńseniń róli kúsheıtiledi. Bul bankter men "Báıterek" holdıńi qatysatyn sındıkasıalanǵan nesıeler arqyly iri jobalardy qarjylandyrýǵa kómektesedi.