QR Qarýly kúshteri Ulttyq áskerı-patrıottyq ortalyǵynyń shyǵarmashylyq ujymy saýda oıyn-saýyq ortalyǵynda konsert uıymdastyrdy.
Áskerı qyzmetshiler ony Uly Otan soǵysyndaǵy Jeńistiń 80 jyldyǵyna arnady, dep habarlaıdy aqshamnews.kz El.kz-ke silteme jasap.
Bizdiń halyq aldynda óner kórsetýimiz san myńdaǵan adamdardy biriktiretin mańyzdy kúnge oraılastyrylǵan. Biz osy shara arqyly otandastarymyzǵa aǵa býynnyń erligi týraly jáne surapyl soǵysta olarǵa rýh berip, barlyq qıyndyqqa tótep berýge yntymaqtyń kómekteskenin eske salǵymyz keledi. Buny biz kórermenderge óner arqyly jetkizýge tyrystyq, – dep túsindirdi Ulttyq áskerı-patrıottyq ortalyǵy bastyǵynyń orynbasary aǵa leıtenant Azamat Aqtasov.
Ortalyq ansámbldiń solıseri men vokaldyq toptarynyń oryndaýynda "Álıa", "Jýravlı", "Týchı v golýbom", "Ehal ıa ız Berlına", "Kesteli oramal" jáne "Saýyt", "Qaısar armıa", "Qorǵanysym tiregim", "Jasa qazaǵym" syndy patrıottyq ánderi oryndaldy. Oıyn-saýyq ortalyǵyna kelýshilerdi ansámbldiń bı tobynyń oryndaýyndaǵy “Sarbazdar bıi” kóńilderin kóterdi.
Ulttyq áskerı-patrıottyq ortalyqtyń áskerı orkestriniń dırıjeri kapıtan Nurlan Qoshqarovtyń basqarýymen tanymal klasıkalyq jáne zamanaýı áýender qoıylymyn halyq qýana qabyldady. Orkestrlerdiń defılesi kórermenderdi erekshe tań qaldyrdy.
Saýda ortalyǵynda áskerı mýzykanttardyń kelip, konsert qoıýy bizdi tań qaldyrdy jáne qýantty. Kóńil-kúıimdi sózben aıtyp jetkize almaımyn. Keremet oryndaý, symbatty áskerı kıim – osynyń bári rýhymyzdy kóterip, Otan qorǵaýshylarymyz úshin maqtanysh sezimin týdyrady, - deıdi astanalyq Alýa Qajanova.
Kórermender de oryndaýshylarǵa shyn júrekten alǵysyn jaýdyryp, qoshemet kórsetip, izgi tilekterin aıtyp jatty.