Turǵyndar Almatydaǵy senbilikke búkil otbasymen qatysyp jatyr. Indıra esimdi turǵyn Jeltoqsan saıabaǵyna úsh balasymen kelgen.
– Búgin senbilikke balalarymdy alyp keldim. Kishkentaı kezderinen tabıǵatty aıalap, ıgi isterge atsalyssyn, úırensin degen nıetimiz bar. Osynda 3 balamdy ertip ákeldim, bárimizdiń kóńil-kúıimiz keremet. Keshe senbilik týraly estigen sátten bastap, ózderi de baramyz dedi. Búgin tańerteń erte turyp daıyndalyp júr. Jalpy, mundaı ıgi aksıaǵa qatysqandaryn jón dep sanaımyn. Endi otbasymyzben munda demalýǵa kelgende, bizdiń ekken aǵashtarymyz dep esterine alyp júredi. Tabıǵatqa qamqorlyqpen qaraıtyn bolady, – dedi Indıra Esimbaeva esimdi turǵyn.