Abaı oblysynda eldimekenderge tóngen qaýip joıyldy.
Tótenshe jaǵdaılar mınıstrligi málimetinshe, aerovızýaldy barlaý nátıjesinde órt tolyq sóndirilgenge deıin oqshaýlanǵan órt oshaqtary oryndaryna turaqty túrde sý tógý, sondaı-aq órttiń jıegin topyraqpen jabý jáne toltyrý jumystary júzege asyrylatyn bolady.
Eldimekenderge tóngen qaýip joıyldy. Órt ýchaskelerinde ashyq janý joq, dep habarlaıdy Almaty-akshamy.kz Elorda.info-ǵa silteme jasap.
Aerovızýaldy barlaý júrgizilgennen soń mınıstr Serik Sháriphanov keńes ótkizdi. Talqylaý barysynda qorytyndysy boıynsha Qorǵanys mınıstrliginiń úsh birlik tehnıkasynan, bes qyzmetkerinen, úsh tikushaqpen jedel tobynan basqa, jeke quramyn turaqty jumys ornyna qaıtarý týraly sheshim qabyldandy.
Tabıǵı órt ornynda odan ári qaraýyldaý jumysyn Ekologıa jáne tabıǵı resýrstar mınıstrliginiń orman órt stansıalary, TJM órt sóndirý bólimsheleri jáne áýe kemeleri qamtamasyz etetin bolady.
Búgin tańerteńnen beri tikushaqtar 89 ret kólemi 249 tonna sý tókti. Órt bastalǵaly beri barlyǵy 2 525 ret kólemi 7423 tonna sý tógildi.
TJM basshysy órt sóndirýge qatysýshylardy órtti sóndirýde kórsetken erjúrektilik pen batyrlyq, joǵary kásibılik úshin alǵys bildirdi.
Esterińizge sala keteıik, keshe saǵat 21:00-de áýeden barlaý jáne jedel jaǵdaıdy baǵalaý qorytyndysy boıynsha Abaı oblysyndaǵy Semeı ormany tabıǵı rezervatynyń aýmaǵyndaǵy tabıǵı órttiń oqshaýlanǵanyn jarıalandy.