«Jupar júrek» adamdyqty, adamgershilikti dáripteıtin fılm

«Jupar júrek» adamdyqty, adamgershilikti dáripteıtin fılm Sýret: Ulttyq kınony qoldaý memlekettik ortalyǵy

Megapolıstegi «Arman» kınoteatrynda «Jupar júrek» kórkem fılminiń tusaýkeseri ótip, elimizdiń barlyq kınoteatrynyń úlken ekranyna jol tartty.

«Jupar júrek» – túrmede otyryp shyqqan, ishkilikke jaqyn, qatygez ári abúzer Samattyń (rólde Erjan Nurymbet) júrek transplantasıasynan keıingi ózgeristerin beıneleıtin psıhologıalyq drama.

Júreginde aqaýy bar oǵan jol apatynan kóz jumǵan jas jigittiń júregi salynady. Donor bolǵan muǵalim jigittiń ata-anasy marqum ulynyń tym bolmasa júreginiń dúrsilin estigisi kelip Samattyń úıiniń esigin qaǵady. Al Samat bolsa ol qyzmetin aqshaǵa satady. Balasyn sarǵaıa saǵynyp júrgen áke-sheshe, árıne, bul talapqa kónedi.

Arada biraz ýaqyt ótkende Samat ózindegi eleýli ózgeristerdi baıqaı bastaıdy. Al oǵan donor bolǵan jigit óte meıirimdi, qustarǵa úıshik jasaýdy jany súıgen, izgilikti murat etken bastaýysh synyp muǵalimi bolatyn...

 

– Fılm ıdeıasy keýdesine donordyń júregi salynǵan adamnyń jáne oǵan ómir syılaǵan marqumnyń týystarynyń sýretin kórgende týyndady. Men aldymnan shyǵa kelgen sol sýretke biraz tesilip qarap qaldym. Sol kórinistiń kórkem fılmge suranyp turǵanyn uqtym. Bul – kınozalda popkorn jep otyryp kóre salatyn fılm emes, úlkendi de, kishini de oılandyratyn, adam bolyp ómir súrýge, júrekti saqtaýǵa úndeıtin, adamgershilikti dáripteıtin kartına dep bilemin. Men bul týyndymda kóp sózge emes, sahnalyq is-áreketterge kóbirek mán berdim, – deıdi «Jupar júrek» kórkem fılminiń rejıseri Maksım Qodarov.

 

Kınokartına transplantologıany ǵana emes, adamnyń ishki kúresi, otbasyndaǵy daǵdarys, turmystyq zorlyq-zombylyq, balalar arasyndaǵy býllıng máselelerin de qozǵaıdy.

Samattyń jary Fatıma (rólde Aınur Bermuhambetova) – eńbegine adal qarapaıym medbıke. Kúıeýiniń barlyq qatygezdigine, súıeginen óter balaǵat sózderine, etine batqan taıaǵyna shydap kele jatqan, ulynyń bútin otbasynda óskenin qalaıtyn áıel. Al kishkentaı Mádı – bala bolyp jarqyrap kúlmeıtin, áke meıirimin kórmegen, ylǵı qatarlastarynyń mazaǵyna ushyrap júretin, sýret salsa da tek qara tústi boıaýlarǵa jaqyn baldyrǵan.

Mine, kınokartına osyndaı shıelenisti sahnalarǵa toly.

 

– Bul – Maksımniń tyrnaqaldy debúttik jumysy. Túsirilim jumystary bastalǵanda onyń aıtqan sózderi áli esimde. «Meniń qaǵazdaǵy keıipkerlerim tirilip kele jatyr. Olarǵa sizder jan bitirip jatyrsyzdar» dep balasha qýanǵany bar. Árıne, barymyzdy saldyq. Onyń ústine túsirilim alańynan myqty operator Qazbek Ámirjanovty kórgende qobaljý da azaıyp, janyp sala berdik. Bul – áleýmettik-psıhologıalyq drama. Júrek donorlyǵynan bastalǵan oqıǵa talaı júrekke oı salady dep senemin. Endigi baǵasyn ózderińiz beresizder, qymbatty kórermender! – deıdi otandyq belgili akter Baqytjan Álpeıisov.

 

Fılmdi «Alıjanfılm» stýdıasy Mádenıet jáne aqparat mınıstrliginiń qoldaýymen túsirgen. Atqarýshy prodúser – Arman Boranbaev, rejıseri jáne senarısti – Maksım Kodarov, qoıýshy-operator – Qazbek Ámirjanov, bastama prodúseri – Saın Ǵabdýlın.

 

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24