Sybaılas jemqorlyq – zaman aǵysymen birge ósip, búgingi kúnge deıin joıylmaı kele jatqan qoǵamnyń eń qaýipti qubylystarynyń biri. Bul kesel qoǵamǵa úlken qaýip tóndiredi.
Qazaqstan Respýblıkasynyń «Sybaılas jemqorlyqqa qarsy is-qımyl týraly» zańy aıasynda jemqorlyqpen kúres ár salada belsendi túrde júzege asyrylyp keledi. Bul másele ásirese paraqorlyqpen betpe-bet kelgen halyq úshin óte ózekti.
Sybaılas jemqorlyqqa qarsy is-qımyldyń negizgi maqsaty – qoǵamda bul qubylysty túbegeıli joıý jáne onyń aldyn alý. Bul maqsatqa qol jetkizý úshin kelesi sharalardy iske asyrý mańyzdy:
- Sybaılas jemqorlyqqa múldem tózbeýshilik mádenıetin qalyptastyrý.
- Sybaılas jemqorlyqqa yqpal etetin sebepter men jaǵdaılardy anyqtap, olardy joıý.
- Memlekettik organdar men uıymdardyń ózara árekettestigin kúsheıtý.
- Halyqaralyq yntymaqtastyqty damytý jáne úzdik tájirıbelerdi engizý arqyly tıimdilikti arttyrý.
Bul sharalar adaldyq, ashyqtyq jáne ádildik qaǵıdattaryn nyǵaıtýǵa baǵyttalǵan.
Qazaqstan Respýblıkasynyń «Sybaılas jemqorlyqqa qarsy is-qımyl týraly» zańy sybaılas jemqorlyqpen kúresýdi barlyq memlekettik organdar men onda qyzmet etetin laýazymdy tulǵalardyń mindeti dep bekitedi. Memlekettik mekemeler kórsetiletin qyzmetter týraly aqparatty halyqqa qoljetimdi etip, aqparattyq stendterde ornalastyrýy qajet. Ár azamat sapaly memlekettik qyzmet alýǵa quqyly. Sonymen qatar, mekemelerde jumys toptary qurylyp, sybaılas jemqorlyq táýekelderin anyqtaý jáne olardy joıý joldaryn qarastyrý júıeli túrde júrgizilýi tıis.
Memlekettik qyzmetkerlerdiń sybaılas jemqorlyq áreketterge boı aldyrýynyń ártúrli sebepteri bar. Olardyń arasynda:
- Kásibı ádeptiliktiń jetispeýshiligi.
- Jeke basynyń qamyn birinshi orynǵa qoıý.
- Jalaqynyń tómendigi sekildi máseleler kezdesedi.
Sondyqtan osyndaı qylmystardyń aldyn alý úshin qyzmetkerlerge quqyqtyq oqytý sharalaryn uıymdastyrý, olardy sybaılas jemqorlyq táýekelderimen tanystyryp otyrý qajet.
«Almaty qalasy Naýryzbaı aýdany ákimi apparaty» KMM 2024 jylǵa arnalǵan jumys jospary boıynsha, mekeme qyzmetkerleri arasynda sybaılas jemqorlyqtyń aldyn alý maqsatynda turaqty túrde túsindirme jumystary júrgizilip keledi. Sondaı-aq, mekeme qyzmetkerleri múddeler qaqtyǵysynyń aldyn alý úshin sybaılas jemqorlyqqa qarsy is-qımyl sharalaryn belsendi túrde jalǵastyrýda.