Akademıaǵa qatysty memlekettik basqarýdyń tıisti salasyn basqarý jónindegi ýákiletti organdy QR Ǵylym jáne joǵary bilim mınıstrligi aıqyndady, dep habarlaıdy aqshamnews.kz
Úkimet "Qazaqstan Respýblıkasy Prezıdentiniń janyndaǵy Qazaqstan Respýblıkasy Ulttyq Ǵylym akademıasynyń keıbir máseleleri týraly" 2024 jylǵy 30 jeltoqsandaǵy qaýlyny qabyldady.
Qujatta:
"QR Prezıdentiniń janyndaǵy "Qazaqstan Respýblıkasynyń Ulttyq ǵylym akademıasy" komersıalyq emes aksıonerlik qoǵamy QR Prezıdentiniń janyndaǵy "Qazaqstan Respýblıkasynyń Ulttyq ǵylym akademıasy" joǵary ǵylymı uıymyna qaıta qurylsyn".
Akademıaǵa qatysty memlekettik basqarýdyń tıisti salasyn basqarý jónindegi ýákiletti organdy QR Ǵylym jáne joǵary bilim mınıstrligi aıqyndady.
Akademıanyń negizgi qyzmet túrleri:
áleýmettik-ekonomıkalyq damý basymdyqtaryna sáıkes ǵylymı jáne (nemese) ǵylymı-tehnıkalyq qyzmettiń basym baǵyttaryn, sondaı-aq Qazaqstan Respýblıkasyndaǵy strategıalyq, irgeli jáne qoldanbaly ǵylymı zertteýlerdiń basym baǵyttaryn aıqyndaý jónindegi usynymdardy tujyrymdaý;
Qazaqstan Respýblıkasynyń Prezıdenti janyndaǵy Ǵylym jáne tehnologıalar jónindegi ulttyq keńeske ýákiletti organ usynǵan ǵylym men tehnologıalardy damytýdyń strategıalyq basym baǵyttaryna taldaý júrgizý;
baǵdarlamalyq-nysanaly qarjylandyrý úshin Joǵary ǵylymı-tehnıkalyq komısıanyń qaraýyna usynylǵan ǵylymı-tehnıkalyq tapsyrmalarǵa saraptama júrgizý;
ǵylymdy damytý boıynsha forsaıttyq (boljamdy) zertteýler daıyndaýdy jáne júrgizýdi júzege asyrý;
ǵylym salasynda ataýly syılyqtar men stıpendıalar alýǵa konkýrstar ótkizý;
ǵylym men tehnıkanyń túrli salalarynda ǵylymı zertteýler júrgizý;
ǵylymı jýrnaldardy shyǵarý;
halyqaralyq ǵylymı jáne ǵylymı-tehnıkalyq yntymaqtastyqty damytýǵa qatysý;
ǵylymdy nasıhattaýǵa qatysý.