Sybaılas jemqorlyq - zamanmen birge ósip-órkendep, nebir tegeýrindi qarsylyqtarǵa tótep berip, qaıda mol qarajat, paıda bolsa, sol jerge tamyr jaıyp, búginge deıin joıylmaı otyrǵan qaýipti keseldiń biri, dep habarlaıdy aqshamnews.kz.
Bul kesel damýshy elderdegideı bizdiń jas memleketimizge de orasan zor nuqsan keltirip otyr. Bizdiń respýblıkamyzda da bul máselege qarsy kúres sharalary táýelsizdik alǵan sátten bastap memlekettiń birinshi kezektegi mindetine aınaldy.
Sybaılas jemqorlyqqa qarsy kúres júrgizý degenimiz - bul memlekette turaqtylyqty qamtamasyz etýdiń qajetti sharty dep aıtqan eken kezinde Arıstotel ǵulama. «Kez kelgen memlekettik qurylystaǵy basty nárse – bul zańdar ózge de kún tártibiniń járdemi men isti laýazym ıeleri baıý jolyna túsip ketpeıtin deıetipuıymdastyrý.
Jalpy jurtqa ortaq paıda kelýin oılastyratyn memlekettik qurylystar ǵana ádil, durys bolmaq», - degen eken ejelgi oıshyl ǵalym.
Paraqorlyq memlekettik organdardyń tıisti qyzmet atqarýyna keri áserin tıgizip, bedeline nuqsan keltiredi, zańdy qaǵıdalardy teriske shyǵaryp, azamattardyń konstıtýsıalyq quqyqtary men zańdy múddeleriniń buzylýyna túrtki bolady.
Qazaqstan Respýblıkasynyń «Sybaılas jemqorlyqqa qarsy is-qımyl týraly» Zańyna sáıkes, sybaılas jemqorlyqpen kúresti barlyq memlekettik organdar men onda qyzmet atqaratyn laýazymdy tulǵalar júrgizýi tıis.
Munda eskertetin taǵy bir mańyzdy jaı: memleket pen keıbir sheneýnikterdiń atqaratyn qyzmetin zań júzinde naqty aıqyndaý, qabyldanatyn sheshimder keıbir adamdardyń erkine táýeldi bolatyn salalardy azaıtý.
Basqasha aıtqanda, zańnamalardyń anyqtyǵy, qarapaıymdyǵy men turaqtylyǵy qajet, azamattyq qoǵamdy qalyptastyrý úshin jaǵdaılar týǵyzý, halyqtyń bilim deńgeıin, onyń ishinde quqyqtyq saýattylyǵyn arttyrý kerek. Sybaılas jemqorlyqpen kúresti jeke qaraý múmkin emes. Sybaılas jemqorlyq qylmystary áleýmettik turǵydan paıda bolǵandyqtan, ony boldyrmaý men aldyn alýdy barlyq memlekettik mekemeler qamtamasyz etý qajet.