Syıaqy kólemi anyqtalǵan qylmystyń sanatyna qaraı belgilenedi.
Ótken jyly Túrkistan oblysynda sybaılas jemqorlyq qylmysy boıynsha habar bergen 5 azamat syıaqy alǵan. Bıyl taǵy eki turǵyn atalǵan syıaqyǵa qol jetkizdi, dep habarlaıdy Almaty-akshamy.kz QazAqparatqa silteme jasap.
Syıaqy mólsheri anyqtalǵan qylmystyń sanatyna baılanysty belgilengen.
«Zalal mólsheri 1000 aılyq eseptik kórsetkishten asatyn bolsa, 10 paıyzdyq tetik qoldanady. Mysaly, 6 mln teńge zalal keltirilse, habarlaýshyǵa 600 000 teńge tólenedi. Al, eń kóp memlekettik kepil retinde bere alatyn soma 12 mln teńgeni quraıdy. Ol úshin habar berýshi 120 mln teńge zalal keltirilgen qylmys týraly habarlaýy kerek», - dedi Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary Sámet Nurdáýlet.
Aıta keteıik, jalpy Túrkistan oblysynda sybaılas jemqorlyq qylmysy 2 esege ósken. Ótken jyldyń birinshi toqsanynda 12 qylmys tirkelse, bıyl 35 qylmys anyqtalyp otyr. Sybaılas jemqorlyq qylmystarynyń basym bóligi jergilikti atqarýshy organdar men quqyq qorǵaý salalarynda jáne qarjy, aýyl sharýashylyǵy, densaýlyq saqtaý men bilim berý mekemelerinde oryn alǵan.