Júk tasymaldarynyń jalpy kóleminde eksport 35%-dan asady.
Bıylǵy birinshi toqsanda «Qazaqstan temir joly» kompanıasy jelisimen júkterdi eksportqa tasymaldaý 22,9 mln tonnaǵa jetti, dep habarlaıdy Almaty-akshamy.kz QazAqparatqa silteme jasap.
Vedomstvonyń málimetine qaraǵanda, bul ótken jyldyń deńgeıimen salystyrǵanda 6%-ǵa kóp. Júk tasymaldarynyń jalpy kóleminde eksport 35%-dan asady.
«Eksport segmentinde tas kómir basty orynǵa ıe. 2022 jyldyń birinshi toqsanynda 8,9 mln tonna qatty otyn shetelge jóneltilse, bul ótken jyldyń sáıkes kezeńimen salystyrǵanda 26%-ǵa joǵary. Astyq eksporty 30%-ǵa, ıaǵnı 2,2 mln tonnaǵa deıin ósti», - dep jazdy «QTJ» baspasóz qyzmeti.
Temirjol arqyly eksportqa jóneltiletin munaı ónimderiniń kólemi 1,1 mln tonnany, qara metaldar 1,2 mln tonnany, temir keni 3 mln tonnany qurady.
«Qazaqstandyq ónimniń iri ımporttaýshylary – Reseı, Qytaı jáne Ortalyq Azıa elderi. Atap aıtqanda, qazaqstandyq kómir Reseıge, Ózbekstanǵa, Úndistanǵa, Grýzıaǵa, Shveısarıaǵa, Polshaǵa, Kıprge, Túrkıaǵa jáne basqa da elderge jetkiziledi. Al astyq Ózbekstan, Iran, Aýǵanstan, QHR, Tájikstan, Túrkıa, Belgıa, Italıa, Ulybrıtanıa jáne t.b. memleketterge eksporttalady», - delingen habarlamada.