Bir jylda sút 33% qymbattaǵan, dep habarlaıdy Almaty-akshamy.kz.
«2022 jyldyń 12 aıynda saladaǵy óndiris kólemi 573,3 myń tonnaǵa jetip, 2021 jyldyń kórsetkishinen 6,2% asty.
Óńirler arasynda óńdelgen suıyq sút pen qaımaq ónimderiniń óndirisi Soltústik Qazaqstan (185,8 myń tonna), Almaty (99,2 myń tonna), Aqmola (82 myń tonna) jáne Qostanaı (69,5myń tonna) oblastarynda aıtarlyqtaı artqan.
Qańtardyń qorytyndysyn qarasaq, elde sút aı saıyn 1,4% qymbattap otyrǵan. Bul 2022 jyldyń qańtaryndaǵy qymbatshylyq qarqynynan eki ese jyldam degen sóz (0,7%bolǵan).
Jyldyq aýqymmen qarasaq, 2023 jylǵy qańtardaǵy sút baǵasy 2022 jyldyń qańtaryndaǵy sút baǵasynan 32,9% joǵary bolyp shyqty. Ulttyq statısıka búrosynyń málimeti boıynsha mundaı qymbattaý qarqyny 2011 jyldan bergi rekord bolyp otyr», - dep jazylǵan saraptamada.
Resýrstyń málimeti boıynsha, bárinen buryn maılylyǵy 3,2-4% deńgeıindegi pasterlengen sút qatty qymbattaǵan – 31,2%. Qaımaq ónimderi 30%, a maılylyǵy 2,5% bolatyn pasterlengen sút 28,8% qymbattaǵan.
Óńirler arasynda maılylyǵy 3,2-4% deńgeıindegi pasterlengen sút baǵasy, ásirese, Almaty (43,5%), Soltústik Qazaqstan (43,3%) jáne Jetisý (36,2%) oblastarynda aıtarlyqtaı ósken.