Kompanıa Ákimshilik quqyqbuzýshylyq týraly kodekstiń 567-babyn buzǵan.
Air Arabia áýekompanıasyna 200 AEK (690 myń teńge) mólsherinde ákimshilik aıyppul salyndy, dep habarlaıdy Almaty-akshamy.kz
Azamattyq avıasıa komıtetiniń málimdeýinshe, Almaty – Shardja baǵyty boıynsha reıs keshiktirilgen kezde QR qoldanystaǵy zańnamasynda kózdelgen qyzmetterdi (alkogólsiz sýsyndardy) usynbaýy sheteldik áýe kompanıasyna aıyppul salýǵa sebep bolǵan.
Komıtet júrgizilip jatqan jumys sheńberinde jolaýshylardyń quqyǵyn saqtaý bóliginde QR qoldanystaǵy zańnamasynyń talaptaryn ustanatynyn atap ótti.
"Avıatasymaldaýshylar tarapynan buzýshylyq faktileri anyqtalǵan jaǵdaıda kózdelgen sharalar qabyldanady", - dep málimdedi Azamattyq avıasıa komıteti.