Jaǵa ustatarlyq jaǵdaı: Óz-ózine qol jumsaýdan Qazaqstan 20-orynda tur.
Al 10-19 jas aralyǵy boıynsha 10-orynǵa turaqtaǵan, dep habarlaıdy Almaty-akshamy.kz QazAqparatqa silteme jasap.
«Bes jyl buryn DDSU ózine-ózi qol salýdyń aldyn alý úshin álemdik deńgeıde óz bastamasyn iske qosty. Bir nemese birneshe sýısıd týraly BAQ habarlaryna tikeleı baılanysty júzden astam zertteýler júrgizilgen. Mamandar ózine-ózi qol salýdy keńinen jarıalaý qosymsha sýısıdtik minez-qulyq qalyptastyratynyn aıtýda. Óz-ózine qol salýdyń qazirgideı taralýy jáne qurban bolǵandardyń týystarynan suhbat alý, sýısıdterdiń egjeı-tegjeıli sıpattalýy ony qarapaıym qubylys retinde qabyldaýǵa ıtermeleıdi. Sondyqtan bul jerde BAQ-tyń, blogerlerdiń, pikir kóshbasshylarynyń róli óte joǵary. Mundaı oqıǵalardy jarıalaýda úlken jaýapkershilik tanytý kerek. Osyǵan baılanysty qazaqstandyq Medıa Aláns Eýropalyq Odaqtyń qoldaýymen paneldik pikirsaıys ótkizýge bastamashy boldy. Bul taqyryp EO jumysynyń negizi retinde adam quqyqtary máseleleriniń bir bóligi bolyp tabylady», - dep atalyp ótti Qazaqstan Medıa alánsy «BAQ-tyń sýısıdti jaýapty jarıalaýy» atty paneldik sesıasynda.
Al 2021 jyly Qazaqstanda sýısıdtiń 3922 jaǵdaıy tirkelgen. DDSU statısıkasyna sáıkes, Qazaqstan sýısıd sany boıynsha 20-orynda tur, al 10-19 jas aralyǵy boıynsha 10-orynǵa turaqtaǵan.
Aıta keteıik, Densaýlyq saqtaý mınıstrligi byltyrdan beri búkil óńirde kámeletke tolmaǵandar arasynda sýısıdtiń aldyn alý baǵdarlamasyn engize bastady. Baǵdarlama 6 óńirde qarqyndy iske asyrylyp jatyr.