Almatyda jylý jelilerindegi jóndeý jumystary kezinde Súıinbaı dańǵylynyń boıymen kólikterdiń júrýine ýaqytsha shekteý qoıylady, dep habarlaıdy aqshamnews.kz.
Almaty qalasy Túrksib aýdanyndaǵy Súıinbaı dańǵylynyń boıymen 16 tamyz (juma) saǵat 23:00-den 19 tamyz (dúısenbi) tańǵy saǵat 06:00-ge deıin eki baǵytta da avtokólik qozǵalysy jabylady.
Ýaqytsha shekteýler belgilengen kóshe bóliginiń jol bóliginiń astynan ótetin magıstraldyq qubyr ýchaskesin jańǵyrtý jónindegi josparlanǵan jumystardyń qaýipsizdigin qamtamasyz etý úshin engizilgeli otyr.
57 jyl buryn (1967 jyly) paıdalanýǵa berilgen, jalpy uzyndyǵy shamamen 0,7 kılometrdi quraıtyn jańǵyrtylatyn jylý magıstrali jylý energıasyn jergilikti qazandyqtan megapolıstiń soltústigindegi atalǵan sektorda ornalasqan turǵyn úıler men basqa da ǵımarattarǵa jetkizýdi qamtamasyz etedi.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
«Almaty jylý júıesi» JSHS