Bank 2024 jylǵy 28 maýsymnan bastap nomınaldy quny 10 000 teńgelik jańa banknotalardyń aınalymǵa engizilgenin eske saldy.
Bul rette, 10 000 teńgelik jańa banknotalar jappaı aınalymǵa 2024 jyldyń shamamen qyrkúıek aıynan bastap túse bastaıdy. Sebebi elimizdiń barlyq óńirine jetkizý jáne jabdyqtardy (bankomattar, termınaldar jáne basqa da kasalyq tehnıkalar) beıimdeý belgili bir ýaqytty qajet etedi.
Jańa dızaındaǵy 10 000 teńgelik banknotanyń qorǵanysh elementteri týraly:
Banknotada relefti qalyptastyratyn – arnaıy altyn ıntaglıo baspa tásili qoldanylǵan. Qazaqstan Respýblıkasynyń eltańbasy altyn metal boıaýdyń joǵary bederli qabatymen basylǵan.
Sýret: nationalbank.kz
Banknottyń betki betiniń shetinde shyǵyńqy, joǵary relefti elementter bar. Olar qolmen ustaǵanda jaqsy seziletin – kórý qabileti nashar adamdarǵa arnalǵan belgi.
Sýret: nationalbank.kz
Banknota betinde úzik-úzik túrinde shyǵyp turǵan eki tústi qorǵanysh jip bar. Ony jaryqqa tosyp qaraǵanda bir tutas jip bolyp anyq kórinedi. Banknotanyń kólbeý buryshy ózgergen kezde kók jáne kúlgin tústerdiń ózara árekettesýinen dınamıkalyq lúpildeý áseri paıda bolady.
Sýret: nationalbank.kz
Sonymen qatar, banknotanyń bet jaǵynda "Barys" artefaktynyń kólemdi beınesi túrindegi pach qorǵanysh elementi ornalasqan. Banknotty aýdaryp qaraǵan kezde taý shyńynyń jáne nomınaldyń sıfrlyq keskininen oıý-órnekke aýysý áseri jáne sáýlelerdiń jan-jaqqa shashyraǵan dınamıkalyq áseri paıda bolady.
Sýret: nationalbank.kz
Túsi ózgermeli tereze. Terezedegi ótpeli jaryqta taý shyńynyń sulbasy altyn tústen kók túske ózgeredi.
Sýret: nationalbank.kz
Banknotanyń ekinshi betinde "Aýzynda grıfondar bar Barystyń basy" artefaktiniń kólemdi beınesi túrinde Spark qorǵanysh elementi ornalasqan. Banknotanyń kólbeý buryshy ózgergen kezde Spark túsi altynnan nefrıt túsine ózgeredi.
Sýret: nationalbank.kz
Jeke kórkemdik elementter banknotaǵa altyn tústes jyltyraǵy bar arnaıy – ırıdısentti boıaýy basylǵan.
Sýret: nationalbank.kz
Jergilikti sý belgisi qorǵanysh elementi – elektrotıp. Jaryq túskende nomınal beınesinen turatyn elektrotıp belgisi anyq kórinedi.
Sýret: nationalbank.kz
Buǵan deıin Ulttyq Bank 10 myńdyq kýpúranyń "saq stıli" jańa serıasyndaǵy ekinshi banknot ekenin naqtylaǵan bolatyn. Ol dástúrli qazaq oıý – órneginiń bastaýshysy bolyp sanalatyn jáne kóshpendilerdiń biregeı mádenıetinen Qazirgi Qazaqstanǵa deıingi el murasyn beıneleıtin "saq stıliniń" elementterine negizdelgen.