Almaty mektepteriniń birinde joǵary synyp oqýshylary úshin ınovasıalyq korpýs ashyldy, dep habarlaıdy Almaty-akshamy.kz
2023 jyldyń 1 qyrkúıeginen bastap Shoqan Ýálıhanov atyndaǵy jekemenshik mektepte 7-11 synyp oqýshylary úshin ınovasıalyq korpýs ashyldy. Ol 520 oqýshyǵa arnalǵan. Mektep qazaq jáne orys tilinde oqıtyn 1-11 synyp oqýshylaryna barlyǵy 1320 oqý ornyn usynady.
Jańa ǵımarattyń ereksheligi, damýdyń 9 baǵytyn kózdeıtin jeke baǵyt aıasynda oqýshylardy derbes oqytý. Ár baǵyt boıynsha mektep túlekteri tıisti sertıfıkattar, dıplomdar men gramotalar alady.
Inovasıalyq ǵımaratta 600 sharshy metr sport zaly, úlken kıiz úı túrinde salynǵan 80 oryndyq ozyq kitaphana, 3 joǵary jabdyqtalǵan dáris zaly, 360 gradýsqa arnalǵan LED ekrandy amfıteatr, 400 oryndyq asqana, horeografıa, dzúdo zaldary, oqýshylardyń demalýyna arnalǵan 10-nan astam shyǵarmashylyq aımaq, asqana jáne t.b. bar.
«Inovasıalyq korpýstyń ashylýy mektep qurylǵaly josparlanǵan jańa baǵyttaǵy taǵy bir mańyzdy qadam. Bul bizdiń bilimge degen jeke kózqarasymyzǵa, ár oqýshynyń ózindik ambısıasy men qajettiligi bar erekshe tulǵa ekenin túsinýge degen senimimizdiń dáleli. Oqýshylar ózderiniń kásibı salasynda ǵana emes, sonymen qatar, mádenı muramyzdy maqtan tutatyn úılesimdi tulǵalarǵa aınala otyryp, barlyq jaǵynan damı alatyn oqý ortasyn qurdyq», - dedi mekteptiń negizin qalaýshy Ásel Tasmaǵambetova.
Shoqan Ýálıhanov atyndaǵy jekemenshik mektep (Shoqan School) 2020 jyldan bastap jumys isteıdi. Bul barlyq halyqaralyq ekologıalyq standart boıynsha salynǵanyn kýálandyratyn LEED sertıfıkatyn alǵan TMD aýmaǵyndaǵy alǵashqy ári jalǵyz bilim berý nysany. 2023 jyldan bastap mektep Birikken Ulttar Uıymynyń (UN Global Compact) jahandyq shartynyń tolyq múshesi bolyp tabylady.
Bilim berý úderisi úzdik halyqaralyq tájirıbeler men sapaly bilimge teń qoljetimdilikti eskere otyryp qurylǵan mekteptiń negizin qalaýshylar úzdik oqýshylarǵa tegin oqýǵa granttar bóledi jáne olardy aqshalaı shákirtaqymen yntalandyrady.
Qosymsha aqparat alý úshin habarlasyńyz:
Kım Gýzel
PR menedjeri
+7 777 780 01 00
https://www.instagram.com/shoqan_school.kz/