Osyny eskergen Qazaqstan men Ózbekstan qos memleket tutynatyn sýdyń naqty kólemin esepteýge múmkindik beretin qondyrǵy ornatý jóninde kelisimge keldi.
Endi eki el transshekaralyq ózenderge sý esepteıtin qondyrǵylar ornatady, dep habarlaıdy Almaty-akshamy.kz
Sondaı-aq taraptar ózara onlaın-rejımde aqparat almasatyn bolady. Sý resýrstary jáne ırrıgasıa mınıstrliginiń málimetinshe, Qazaqstan Ózbekstan aýmaǵyna sý esepteıtin qural ornatsa, ózbek tarapy da bizdiń elge óz qondyrǵylaryn qoıady. Sondaı-aq taraptar ózara onlaın-rejımde aqparat almasatyn bolady. Qazaqstan Ózbekstannyń aýmaǵynda jınalǵan derekterge, al ózbek jaǵy bizdiń eldegi derekterge qol jetkize alady.
Bul ýaǵdalastyq birinshi kezekte geografıalyq turǵydan ózenderdiń bastaýynan tys jatqan bizdiń elimizdiń múddesi úshin óte mańyzdy.
Qazir qos memlekettiń sarapshylary sý esepteıtin qondyrǵylar ornatylatyn oryndardy kelisip jatyr. Sondaı-aq jobaǵa halyqaralyq uıymdardy da tartý boıynsha kelissózder júrgizilý ústinde.
«Sý esepteıtin quraldardy ornatý eki el tutynatyn sý kólemin onlaın rejımde baqylaýǵa múmkindik beredi. Sáýir aıynda biz basqa da kórshiles memlekettermen osyndaı jobalardy iske asyrý boıynsha kelissóz júrgizýdi bastaýǵa nıettimiz», dedi Sý resýrstary jáne ırrıgasıa mınıstri Nurjan Nurjigitov.