Májilis depýtaty Erbolat Saýryqov osyny aıtyp, dabyl qaqty.
Depýtattyń dereginshe, sońǵy 5 jylda balalar úıine qaıtarylǵan balanyń sany 64 paıyzǵa ósken, dep habarlaıdy Almaty-akshamy.kz
«Qazaqstanda bala asyrap alǵysy keletinderdiń sany jyl saıyn kóbeıip jatyr. Biraq asyrap alynǵan balalardyń balalar úıine qaıtarý sany da azaımaı, únemi ósip jatyr. Mysaly, sońǵy 5 jylda balalar úıine qaıtarylǵan balalardyń sany 64 paıyzǵa ósti», dedi depýtat.
Onyń aıtýynsha, 2020 jyly 160 bala, 2021 jyly 197 bala, 2022 jyly 217 bala balalar úıine qaıtarylǵan.
Bul aqparatty Oqý-aǵartý vıse-mınıstri Edil Ospan da rastady.
«Osy máselege baılanysty mınıstrlik daıyndaǵan «Balalardyń quqyqtaryn qorǵaý týraly» zań jobasy Májiliste qaraýda jatyr. Ol zańnyń aıasynda kásibı asyrap alýshy otbasy ınstıtýty engizilip jatyr. Osy ınstıtýt máseleni sheshýge septigin tıgizedi dep oılaımyz», dedi vıse-mınıstr.